Zondag 1 november 2026 om 10:00

PKN IJhorst – De Wijk
Örde van dienst
zundag 1 november 2026
veurganger ds. Hans Katerberg, Börger



Örgelspeulen   Voluntary opus 11, nr.9  -  Georg Berg
dagzeggen en berichten
eerste lied                   Ps. 150: 1


groeten en moed geven

v. De liefde van de IENE, oeze God, met jullie allemaol!
g. Zien vrede ok met jou!
v. De IENE hef oes maakt naor zien bield
g. Hij zal oes bewaren veur hum en veur mekaar.

vervolg 1^e lied             Ps.150:2

kyriegebed
glorialied                          Lied 910: 1,3,4


3          Hij die de lelies van ’t veld
            zo zwierig daor döt staon,
            wil ok zien kinder goed an doen,
            Hij is met oes begaon.                                                
            Gien schepsel wordt vergeten,                                    
            Hij holdt ‘t almaol in staand,
            die vogels gef te eten,
            gef oes ok oet zien haand.                                           
                                                                                                  
4          Al wil gien wiendroef dragen,
            gien viegeboom zien vrucht,
            al leg het veld te klagen
            under een strakke lucht,
            op God kan ik vertrouwen,
            zien èer krig stem in ’t lied.                                          
            Umda’k op Hum kan bouwen,                                      
              bin ik allèn maor blied.

gebed van de zundag


1^e lezings                    Genesis 1: 26-27,31                 de schepping van de mèensch
En God zee: ‘Laow mèenschen maken naor oes bield, die op oes liekt.
Zie zult baos weden over de vissen in de zee, de vogels in de locht en over alle vie,
ja over de hiele èerde en alle dieren die over de grond kruupt.’
God hef de mèensch schapen naor zien bield, naor het bield van God hef Hij hum schapen, as mannelijk en vrouwelijk hef Hij hum schapen.

God bekeek alles wat as E maakt har en zag dat het hiel arg goed was.
Het weur aovend en het weur mörgen, de zesde dag.


                                   Genesis 6:5-8                          het verhaal van Noach
De Heer zag dat alle mèenschen op èerde slecht waren: alles wat ze oetdachten was algedurig even slecht. Hij kreeg slim spiet dat E mèenschen maakt har, ja Hij kreeg der hartzèer van.
En de HEER zee: ’Ik zal de mèenschen die a’k schapen heb oetruien en met de mèenschen
ok het vie, de dieren die rondkruupt en de vogels, want het muit mij da’k ze maakt heb.
Allennig Noach vun genaode bij de HEER.

                                   Genesis 9: 1-6                         nao de zundvloed
Toen zegende God Noach en zien zeuns en zee tegen heur: ‘Wees vruchtbaor, vermèerder je
en woon op de èerde, De dieren die in het wild leeft, de vogels van de locht, alles wat over de grond kröp en alle vissen in de zee zult ontzag en schrik veur je hebben. Zie bint in jullie macht.
Alles wat leeft en zuk reurt kuj eten, net as het grune gewas da’k je geven heb, alles.
Maor pas op: vleis waoras nog bloed en dus leven in zit, dat zuj niet eten!
En ik zal verhaal vördern as je iegen bloed vergeuten wordt, want daorin schoelt je levenskracht.
Mèensch en dier zult het mij berappen.
Van elkenien wel zien naoste umbrengt vörder ik het leven.
Wel het bloed van een mèensch vergöt, die zien bloed zal deur mèenschen vergeuten worden,
want naor zien bield hef God de mèensch maakt.

antwoordlied               Lied 978: 1,3,4





2^e lezing                      Lukas 10: 25-37  de barmhartige Samaritaan  
(Een biebelkenner vrag Jezus: wel is eigenlijk mien naoste?)


Toen zee Jezus: ‘Der was ies een man wel as het pad ofkwam van Jeruzalem hen Jericho.
Hij vuul in handen van rovers, wel as hum niet allennig alles ofpakten,
maor ze heuwen hum ok en leuten hum halfdood liggen toen zie verdan gungen.
Non kwam der toevallig een priester langs dat pad en die zag de man,
maor hij leup met een grote boog um hum toe.
Krekgeliek kwam der ok een Leviet langs die stee.
Die zag hum ok en leup ok deur.
Maor een Samaritaan die an de reis was, kwam bij hum in de buurt
en toen die hum zag kreeg hij slim met hum te doen.
Hij kwam naor hum toe, dee verbaand op zien wonden,
schunk der eulie en wien overhen, tilde hum op zien iegen ezel,
bracht hum hen een harbarg en zörgde veur hum.
De aander dag gaf hij de kastelein genog geld en zee:
‘Zörg wieder veur hum en as het mèer kost, dan zal ik met je ofreken as ik weerum kom.’
Wat dunkt je: wel van dizze drie is de naoste west van de man
wel as in handen van rovers vuul?’
Hij zee: ‘De man wel as hum oet medelieden hölpen hef.’
En Jezus zee: ‘Gao hen en doe krekgeliek.’

antwoordlied               Lied 320: 1,2,3,4

2          Hebt lief je Heer, nou en aaltied,
dient Hum aaltieding, wied en zied,
anbidt Hum in je daoden.
Dit is het eerste – en grote- gebod
de wil van God, de Vaoder.

3          Zörgt veur je naost’ as veur jezölf,
geef hum te eten, les zien dörst,
een woonstee moej hum geven.
Het tweede- gebod is – het eerste g’liek,
doet dit en ie zult leven.

4          De liefdemacht, die is zo groot,
gien water blust heur vuren oet,
die daordeur bint ontsteuken.
Nou wilt ontbraanden- an ’t liefdewoord;
God hef het tot oes spreuken.

overwegen
v. ……………….dat het zo wezen mag
g. Amen

even stil wezen

zingen                         Lied 793

2.         Wel van liefde, locht en leven,
zun die hartverwarmend schient,
woord van hogerhaand oes geven,
trouw en zacht veur alle tied-
al zul oes een vijand haoten,
al giet zölfs de liefste hen,
liefde zal oes nooit verlaoten:
Do lats oes gien dag allèn.

3.         Wel van liefde, locht en leven,
laot dien vreugde an oes zien;
is de bliedschup wied te zuken,
liefde mak van water wien.
Dat wij van mekaar blieft holden
zó dat zölfs de dood niet scheidt;
niks kan liefde overwinnen-
Liefde hef de iewigheid.

danken en veurbidden

stil bidden en Oeze Vaoder (gezaomelijk)

jakens gaot met de buul rond

leste lied                     Lied 791

2          Liefde, grond van al ‘t bestaonde,
      vonk waormet Do zölf oes raks,
      machtig waopen tegen ’t kwaode,
      lèeste woord dat vrede mak.

3          Liefde, Naam van alle namen
      waormet Do Dij kennen lats.
      Liefde vrag um ja en amen,
      hiel oes hart in woord en daod.

4          Liefde waogt zukzölf te geven
      en bluit op van goeie trouw.
      Liefde holdt oes in het leven,-
      daorop hes Do zölf oes bouwd.

5          Liefde lat zuk voloet schenken
      as de allerbeste wien.
      Liefde blef het feest gedenken
      waorop wij dien gastlu bint.

6          Liefde boven alle liefde,
      die as hemelblauw gewölf
      oes umvat: wil oes toch hielen,
      Wel van liefde, Liefde zölf!

zenden en zegen
v. ………………
g. Amen (gez.)

Orgel:  Naspel moderato nr. 20  C.H. Rinck